Cikar Durung Cures

cikar_suroboyo: joko hnPetang dina kepungkur, pase dina Senin (2/3/2009), aku mlaku-mlaku nyang Jl Nyamplungan sing wis kalebu wilayah Wisata Religius Masjid Ampel, Surabaya. Sakliyane panggonan wisata, kawasan iku uga dadi pusat perdagangan. Kerep dadi panggonan bongkar muat barang-barang kebutuhan.

Luwih-luwih kawasan iku ora adoh saka Kembang Jepun, yaiku wilayah Pecinan kang kawentar panggonan bisnis ‘tradisional.’ Karo pasar Pabeancantian ora adoh. Etungane mung atusan meter.  Pasar Pabean iki salah sijine pasar tradisional ing Kutha Pahlawan sing paling tuek. Malah kadang dadi jujukane turis sing kepenging ngerti rempah-rempah, empon-empon, lan sembarang jenis iwak laut.  

Sakliyane iku, Nyamplungan uga ora adoh saka Pelabuhan Tanjung Perak. Dadi nyamplungan sing rata-rata bangunane peninggalan jaman kolonial iku pancen strategis kanggo bongkar muat barang, sak durunge dikirim neng kutho liyane utawa pasar-pasar tradisional ing Surabaya.

Nanging, sing paling nggumunake, ora kabeh barang-barang kebutuhan iku diangkut nganggo praoto utawa trek. Dek Senin iku, ing sela-selane trek-trek treler sing kuline lagi sibuk ngunggahke glangsi isi kacang, deli, beras, lan sapanunggalane, ana angkutan ‘jadul’ sing bahan bakare ramah lingkungan, suket.

Arane cikar. Sing narik sapi cacahe loro. Grobake saka kayu kira-kita ukurane rong meter mungsuh rong meter setengah. Daya angkute, uih…ora kalah karo trek. Iso ngemot puluan glangse, malah-malah yen ditimbang nganti ton-tonan.  Ongkose, ora usah kawatir, luwih murah tinimbang trek utawa pikep.   

Ing kutha metropolitan nomor loro sak Nusantara iki, cikar wis dadi tontonan langka. Malah, kira-kira akeh sing durung ngerti rupane cikar, utawa wis ngerti ning ora ngerti jenenge. Utawa maneh wis tau krungu unen-unen cikar nanging mung liwat cerita ing sekolahan.  

Cak Man, mangkana arane ‘sopir’ cikar iku. Deweke ngandhakake yen ‘kendaraane’ iku warisane saka wong tuane. Kawit biyene mangkale ya neng sekitar kana. Utamane neng Pegirian, dalan seberange nyamplungan sing mung dipisahke dening kali kang ombone patang meter.

Bab sapine,  kandhane Cak Man, deweke milih sing lanang tur awake kuat. Pancen iyo, yen disawang sapi-sapi sing kanggo cikar sak klebatan beda karo sapi biasane. Yen jarene cah saiki ngono arane ‘luwih berotot’.

Pancene arepa diapak-apake, cikar ora bakal sirna ngono wae. Amarga wis ana unen-unen lawas Karwopake, Lesbodonge: Cikar Dowo Tapake, Tales Ombo Godhonge. Dadine, cikar tapake isih dowo, urip, durung wayahe cures. Buktine saiki, neng Surabaya isih ana.  Nuwun

9 Komentar »

  1. jun said

    Sing nduwe blog iki yo ‘luwih berotot’ , soale maeme akeh…. 😛

  2. tumetesingkabar said

    hua…ha…ha ! padha karo sampean, yen mangan segone mesthi siji setengah.

  3. wah mas…. jaman saiki y ijik ono cikar yo… ning sala yo jik akeh, tapi dinggo ngangkut bata. panggonan2 kae yo isoh didadekke sakwijining nggon pariwisata, bakalan apik tenan yen gelem digarap. Eh, karo ngabhari yen blog-ku alamate ganti, ning http://anjaswijanarko.com. Nyuwun tulung taut-e dipun gantos nggih, hehehe

  4. tumetesingkabar said

    nggih mangke kula tautne mas anjas. lajeng sontoloyo-nipun dos pundi ?

  5. saktipaijo said

    kulo nuwun….
    wah tesih enten cikar …..nek nanggonku ra ono je kang anane cakar….hehehe lha nang pucuk nggunung je…. mbok nyuwun di tautke kang…
    suwun……….suwun………suwun

  6. tumetesingkabar said

    mangga pinarak mas saktipaijo….
    nggih mas, mangke kula tautne. nanging alamate blog jenengan menapa ? yen ngagem saktipaijo kok mboten sagek kula klik.

  7. […] pria berbadan kekar alias wong lanang sing luwih berotot ini bukan kuli angkut. Dia adalah salah satu teman sekantor saya, yang mendadak menjadi […]

  8. […] dari banyak kawan sekantor saya ini adalah jurnalis yang juga blogger.  Blogger-Jawa;   maksudnya,  pemilik   blog  berbahasa  Jawa.    Dialah kawan yang […]

  9. saifudin said

    nuwun sewu mas bade tanglet…sopir cikar arane menopo? yg saya temukan kok aneh namanya…apa memang begitu? matur nuwun

RSS feed for comments on this post · TrackBack URI

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout /  Ubah )

Foto Google+

You are commenting using your Google+ account. Logout /  Ubah )

Gambar Twitter

You are commenting using your Twitter account. Logout /  Ubah )

Foto Facebook

You are commenting using your Facebook account. Logout /  Ubah )

Connecting to %s

%d blogger menyukai ini: