Kidung Rumeksa Ing Wengi
(Karyane Kanjeng Sunan Kalijaga)
Ana kidung rumeksa ing wengi
teguh hayu luputa ing lara
luputa bilahi kabeh
jim setan datan purun
paneluhan tan ana wani
niwah panggawe ala
gunaning wong luput
geni atemahan tirta
maling adoh tan ana ngarah ing mami
guna duduk pan sirna
Sakehing lara pan samya bali
sakeh ngama pan sami mirunda
welas asih pandulune
sakehing braja luput
kadi kapuk tibaning wesi
sakehing wisa tawa
sato galak tutut
kayu aeng lemah sangar
songing landhak guwaning wong lemah miring
myang pakiponing merak
Pagupakaning warak sakalir
nadyan arca myang segara asat
temahan rahayu kabeh
Apan sarira ayu
Ingideran kang widadari
Rineksa malaekat
Lan sagung pra rasul
Pinayungan ing Hyang Suksma
Ati Adam utekku baginda Esis
Pangucapku ya Musa
Napasku nabi Ngisa linuwih
Nabi Yakup pamiryarsaning wang
Dawud suwaraku mangke
Nabi Brahim nyawaku
Nabi Sleman kasekten mami
Nabi Yusuf rupeng wang
Edris ing rambutku
Baginda Ngali kuliting wang
Abubakar getih daging Ngumar singgih
Balung baginda ngusman
Sumsumingsun Patimah linuwih
Siti aminah bayuning angga
Ayup ing ususku mangke
Nabi Nuh ing jejantung
Nabi Yunus ing otot mami
Netraku ya Muhamad
Pamuluku Rasul
Pinayungan Adam Kawa
Sampun pepak sakathahe para nabi
Dadya sarira tunggal
Yahya Rohmadi berkata
Bagus Boss Sastra jawa clasic macem ini di publikasikan. biar anak2 muda seperti saya ini tidak lupa budaya sendiri.
sekedar masukan aja buat boss biar lebih mengena,dikasih artian/terjemahan dalam bahasa indonesia dalam stiap bait.
Di tambah lagi dong artikelnya,macam serat Wedhatama yang menjabarkan nasehat agar sempurna dalam menyembah Allah, Serat Wulangreh yang menjabarkan tatakrama berbakti pada orang tua juga Mertua, Kidung purwajati, Hidayah Jati dan banyak lagi.
Terima kasih…..
tumetesingkabar berkata
matur nuwun saranipun mas yahya. mangke yen angsal serat-seratipun, kula lebetaken blog.
Apria berkata
wah aku goleki iki mas
suwun cak…
salam kenal
tumetesingkabar berkata
sami-sami mas apria, salam kenal balik
siswanto berkata
nek jarene mbahku mbiyen ,kidungan iku ngunu gambarane manungsa,opo yo bener?ono sing iso njawab gak rek?aku penasaran soale…
agus berkata
aku pengen sakti,klu kidung rumeksa ing wengi tak rapal ben wengi,apa aku bisa sakti mbah,lek semerep kandanono carane yo?matorsuon,putra jambon.
ahmad berkata
aku minta arti nya,terjemahannya kidung rumeksa ing wengi.balas ya dulor?
sugiwartono berkata
salm kenal mas nanti dulu komentarnya pokoke sip banget