Arsip untuk Maret, 2009

Rumah Sakit Jiwa Siap Ngerawat Caleg Setres

24 Maret 2009 pada 3:36 pm · Disimpan dalam seratan warna-warni ·Bertanda , , , , , , , ,

Dina iki, Selasa Pahing, 24 Maret 2009, meh kabeh koran sing terbit neng Jawa Etan ngabarake masalah Rumah Sakit Jiwa (RSJ)  Menur, Surabaya. Mulai koran Surya, Jawa Pos, Radar Surabaya, nganti koran Memorandum. 

Intine, rumah sakit duweke Pamerintah Provinsi Jatim iki, saikine wis nyiapake ruangan VIP kanggo ngerawat pasien setres. Pasien mau utamane para calon anggota legislatif  (Caleg) sing ora keduman kursi, utawa ora kepilih dadi anggota DPR/DPRD/DPD. Pancene diperkirakake bakal akeh wong setres sakwise contrengan alias centhangan 9 April mbesuk.

Miturut ature Direktur RSJ Menur dr Hendro Riyanto SpKJ, potensi gangguan kejiwaan caleg saiki iki luwih gedhe tinimbang taun-taun sakdurunge. Amarga sak liyane deweke kudu bersaing karo caleg parpol liya, uga kudu saingan karo kancane dhewe sing sak partai. 

Perlu dimangerteni, saiki ana 11.215 caleg kang ngerebutake 560 kursi DPR RI, 112.000 caleg ngerebutake 1.998 kursi DPRD Provinsi, 1.500.000 caleg rebutan 15.750 kursi DPRD Kota/Kabupaten lan 1.109 wong royokan kursi 132 DPD.  

Mbalik neng bab ruang rawat inap ‘caleg’ setres, ing RSJ Menur wis disiapake30 amben kang dumadi saka  pirang-pirang kelas. Antarane VIP I, VIP II, kelas utama I dan Kelas Utama II. VIP I taripe per wengi Rp 350.000 dene VIP II Rp 250.000. Kelas Utama I mung Rp 150.000 lan Utama II Rp 100.000. Ning iku mau durung kalebu bea obat-obatane.

Yen disawang sak klerapan, banderol iku mau kanggone para caleg enteng banget. Nanging, sak wise contrengan, para caleg apa isih bisa nganggep enteng. Amarga biasane yen wis kalah yo entek-entekan, omah, rajabrana, rajakaya, kabeh kadol. Arep ngrokok ae bingung golek jalukan. Malah akeh sing utange numpuk akhire malah setres.

Terus yen perawatan mbayare Rp 350.000 apa ora malah setres ? Mulane, mulane. Dadi politisi ngono ora mung modal duit lan nggacor. Nanging kudu modal ati uga. Arepa kalah ora masalah. Arepa menang ora girang. Ning kabeh dibalekake marang lakune atine supaya ora stres.   

Mulane, mulane, ora usah nekat dadi caleg. Neng omah wae dodolan sinambi njaga langgar. Yen senggang ewang-ewang tanggane sing kesrakat, lumayan kena kanggo sangu neng akherat. Rak ngono to sedulur……..! Nuwun  

Komentar (7)

Foto-foto Artis Bugil lan Video Mesum

12 Maret 2009 pada 1:27 am · Disimpan dalam seratan warna-warni ·Bertanda , , , , , , , , , , , ,

Akhir-akhir iki, meh saben dina tulisan paling dhuwur ing seputar wordpress.com ngupas masalah artis beradegan mesum lan foto-foto bugil. Contone bab adegane Saipul Jamil karo Kiki Fatmala nalika suting film Pijat Atas Tekan Bawah  garapane sutradara KK Dheraaj. Wektu iku dikabarake pas adegan mijet, Ipul sempat ngremes bokong alias pantate Kiki Fatmala.

Ana maneh, foto-foto bugile mantan artis cilik  Dea Imut. Ing wordpress, kabar bab iki uga akeh sing ngeklik. Banjur foto-foto adegan mesum mahasiswa IPDN, pirang-pirang dina nangkring neng Tulisan Teratas dari Seputar WordPress.com. Sak durunge kuwi, foto-foto syur-e  Sarah lan Rahma Azhari  ya dadi incerane blogger.

Dadi, meh saben dina ana berita bab pornografi. Mbuh iku gambare artis, mahasiswa, utawa pelajar. Apa maneh akeh blogger sing pancen sengaja ngusung bab pornografi iki neng blog-e. Tujuane ben akeh sing ngeklik. (iki mung kiro-kiro)

Ning sing jelas iki fenomena menarik sajroning dunia maya. Dene masyarakat nyatane isih seneng ndeleng lan maca informasi kaya ngono kuwi tinimbang kabar liyane sing luwih membangun. (soale kabar sing membangun iku rek…! biasane menjemukan)  

Siji maneh, sing paling digoleki penggemar blog, berita bab lowongan pegawean utawa lowongan pekerjaan.  Yen ana kabar iki, iso dipastekake bakal akeh sing ngeklik. Amarga pancen pengangguran ing nuswantara tercinta iki isih akeh. Tur jaman saiki golek gawean ya angel. Jarene kancaku, golek gawean iku luwih angel tinimbang nggoleki dhemit (jim, setan).

Rong perkara iku pantes dipikirake kabeh manungsa. Iki pratanda apa ? (aku ora ngerti).  Sing jelas perkara iki kudu ndang diwedar, supaya gampang antisipasine nalika ana dampak negatif sing muncul. Nuwun

Komentar (12)

Cikar Durung Cures

5 Maret 2009 pada 1:20 pm · Disimpan dalam lelaku ·Bertanda , , , , , , , , , ,

cikar_suroboyo: joko hnPetang dina kepungkur, pase dina Senin (2/3/2009), aku mlaku-mlaku nyang Jl Nyamplungan sing wis kalebu wilayah Wisata Religius Masjid Ampel, Surabaya. Sakliyane panggonan wisata, kawasan iku uga dadi pusat perdagangan. Kerep dadi panggonan bongkar muat barang-barang kebutuhan.

Luwih-luwih kawasan iku ora adoh saka Kembang Jepun, yaiku wilayah Pecinan kang kawentar panggonan bisnis ‘tradisional.’ Karo pasar Pabeancantian ora adoh. Etungane mung atusan meter.  Pasar Pabean iki salah sijine pasar tradisional ing Kutha Pahlawan sing paling tuek. Malah kadang dadi jujukane turis sing kepenging ngerti rempah-rempah, empon-empon, lan sembarang jenis iwak laut.  

Sakliyane iku, Nyamplungan uga ora adoh saka Pelabuhan Tanjung Perak. Dadi nyamplungan sing rata-rata bangunane peninggalan jaman kolonial iku pancen strategis kanggo bongkar muat barang, sak durunge dikirim neng kutho liyane utawa pasar-pasar tradisional ing Surabaya.

Nanging, sing paling nggumunake, ora kabeh barang-barang kebutuhan iku diangkut nganggo praoto utawa trek. Dek Senin iku, ing sela-selane trek-trek treler sing kuline lagi sibuk ngunggahke glangsi isi kacang, deli, beras, lan sapanunggalane, ana angkutan ‘jadul’ sing bahan bakare ramah lingkungan, suket.

Arane cikar. Sing narik sapi cacahe loro. Grobake saka kayu kira-kita ukurane rong meter mungsuh rong meter setengah. Daya angkute, uih…ora kalah karo trek. Iso ngemot puluan glangse, malah-malah yen ditimbang nganti ton-tonan.  Ongkose, ora usah kawatir, luwih murah tinimbang trek utawa pikep.   

Ing kutha metropolitan nomor loro sak Nusantara iki, cikar wis dadi tontonan langka. Malah, kira-kira akeh sing durung ngerti rupane cikar, utawa wis ngerti ning ora ngerti jenenge. Utawa maneh wis tau krungu unen-unen cikar nanging mung liwat cerita ing sekolahan.  

Cak Man, mangkana arane ’sopir’ cikar iku. Deweke ngandhakake yen ‘kendaraane’ iku warisane saka wong tuane. Kawit biyene mangkale ya neng sekitar kana. Utamane neng Pegirian, dalan seberange nyamplungan sing mung dipisahke dening kali kang ombone patang meter.

Bab sapine,  kandhane Cak Man, deweke milih sing lanang tur awake kuat. Pancen iyo, yen disawang sapi-sapi sing kanggo cikar sak klebatan beda karo sapi biasane. Yen jarene cah saiki ngono arane ‘luwih berotot’.

Pancene arepa diapak-apake, cikar ora bakal sirna ngono wae. Amarga wis ana unen-unen lawas Karwopake, Lesbodonge: Cikar Dowo Tapake, Tales Ombo Godhonge. Dadine, cikar tapake isih dowo, urip, durung wayahe cures. Buktine saiki, neng Surabaya isih ana.  Nuwun

Komentar (8)